生活實驗之一年唔開冷氣（三）：唔喺我間房凍，係你間房超熱

由五月中步入初夏，家人始開冷氣，到今日已經一個月多，大蕃薯仍能堅持下去，在自己房無開冷氣。好奇怪，明明氣溫愈來愈高，大蕃薯應該覺得愈來愈熱，但由五月到六月，大蕃薯居然漸漸覺得炎夏不再難忍。

昨晚，炎熱、潮濕、無風，即使坐著不動也會出汗。爸媽將飯席搬到睡房去，邊嘆冷氣邊吃飯。大蕃薯取捨一下，為了家人，就過去一起吃飯，於是涼了十五分鐘冷氣。

一開門，寒風迎面而來，輕輕撫過汗流浹背的大蕃薯，汗水頓時蒸發了三分。冷氣機如果會說話，牠會這樣說：「係咪好涼好舒服呢。仲咩咁辛苦死頂，有冷氣都唔開呢。」一個月無開冷氣，大蕃薯本亦以為自己在死頂。但開門那一瞬間，大蕃薯居然覺得凍。

「唔係我間房凍，係你間房超熱。」媽媽說。原來，冷熱只是一種對比。會覺得熱，是因為有冷氣做比較。

記憶中明明又涼又舒服的冷氣，大蕃薯跟它分開一個多月之後，居然不復那種舒適。反而，身體靜靜地告訴大蕃薯，那種寒暑和濕度好奇怪，理應靠出汗來調節體溫的夏天，怎麼忽然間不需要這種調節功能？唔開冷氣，不再是死忍，而是不太需要了。

之前談素食，曾指出飲食只是種習慣。習慣，可以改的。開冷氣是都市人的習慣，也可以以改的。